रोजच्या लहान लहान प्रयत्नांमुळे तुमच्या आरोग्याला मोठे फायदे मिळू शकतात. तुमच्या सकाळच्या दिनचर्येत काही गोष्टींचा समावेश केल्याने तुमची हार्मोनल हेल्थ सुधारू शकते, तुमची त्वचा चमकदार होऊ शकते आणि पोटाची चरबी कमी होऊ शकते.
दररोजची धावपळ, वाढती तणावपूर्ण जीवनशैली आणि बदललेले अन्नपान यामुळे आपल्या शरीरात अनेक प्रकारच्या समस्या निर्माण होतात. काहींना त्वचेवर पिंपल्स येतात तर काहींना पोटावरची चरबी त्रास देते. बरेच लोक यावर उपाय म्हणून महागडी उत्पादने विकत घेतात, डिटॉक्स ड्रिंक पितात किंवा वेगवेगळ्या उपचारांचा अवलंब करतात. पण इतका त्रास करूनही काही वेळा अपेक्षित परिणाम मिळत नाहीत. त्यामुळे नैसर्गिक आणि साधे उपाय लोक विसरत चालले आहेत. खरं तर, काही साध्या गोष्टींनीही शरीरात मोठा फरक पडू शकतो.
सकाळच्या वेळेत काही छोटेसे बदल केल्यास ते आरोग्यासाठी खूप फायदेशीर ठरतात. हे बदल पोटाची चरबी कमी करण्यात, त्वचेला निरोगी ठेवण्यात आणि हार्मोन्सला संतुलित करण्यात मदत करतात. तज्ज्ञांचा दावा आहे की हे उपाय नियमित २१ दिवस केल्यास शरीरात आणि मनात जाणवण्यासारखा फरक दिसू लागतो. त्यामुळे दिवसाची सुरुवात करताना काही साध्या पण प्रभावी सवयी अंगीकारणे हे सर्वांत योग्य ठरते.
मनुका आणि केशराचे पाणी रात्री झोपण्यापूर्वी 6 ते 8 काळे मनुके आणि 2 धागे केशर कोमट पाण्यात भिजवून ठेवा. सकाळी उठल्यावर ते पाणी प्या आणि मनुके चावून खा. हा साधा उपाय शरीरातील रक्त शुद्ध करण्यास मदत करतो, आयर्नची कमतरता भरून काढतो आणि त्वचेला नैसर्गिक तेज प्रदान करतो. हार्मोन्स संतुलित ठेवण्यासाठीही हा उपाय उपयुक्त आहे. पचनक्रिया सुधारल्यामुळे पोट हलके राहते आणि चरबी कमी करण्यासही मदत मिळते. सौंदर्य आणि आरोग्य दोन्हींसाठी हा उपाय विशेषतः फायदेशीर ठरतो.
कपालभाती आणि श्वसन व्यायाम सकाळच्या दिनचर्येत कपालभाती आणि श्वसन व्यायामाला स्थान द्या. रोज फक्त 1 मिनिटासाठी कपालभाती करणे आणि त्यासोबत 4-7-8 ब्रीदिंग एक्सरसाईजचे तीन राउंड करणे पुरेसे आहे. या व्यायामामुळे शरीराला ऑक्सिजन नीट मिळतो, पेशींना ऊर्जा मिळते आणि मेटाबॉलिझम वेगवान होते. ताण किंवा स्ट्रेस कमी करणारा कोर्टिसोल हॉर्मोन कमी झाल्यामुळे मानसिक शांतता मिळते. या साध्या उपायामुळे ताणामुळे वाढणारी पोटाची चरबी कमी होण्यास मदत होते.
ड्राय ब्रशिंगची सवय अंघोळ करण्यापूर्वी फक्त एका मिनिटासाठी ड्राय ब्रशिंग करा. मऊ नैसर्गिक केसांचा ब्रश वापरून शरीरावर हलके वरच्या दिशेने स्ट्रोक करा. यामुळे रक्ताभिसरण सुधारते, शरीरातील सूज कमी होते आणि त्वचेचा टाईटनेस वाढतो. लिम्फॅटिक सिस्टीम सक्रिय झाल्याने शरीरातील विषारी घटक बाहेर टाकले जातात. त्यामुळे त्वचा अधिक टवटवीत दिसते आणि नैसर्गिक पद्धतीने पोटाची चरबी कमी करण्यासही मदत मिळते.
एन्झाइम शॉटचा वापर नाश्त्यापूर्वी एन्झाइम शॉट घेणे हा आरोग्यासाठी गेम चेंजर उपाय ठरतो. यासाठी पपई अर्धा कप, एक चमचा चिया बिया आणि चिमूटभर काळी मिरी एकत्र ब्लेंड करून तयार करा. सकाळी रिकाम्या पोटी याचे सेवन करा. हे मिश्रण पचनक्रिया सुधारते, गॅस-फुगवटा टाळते आणि आतड्यांतील चांगल्या जिवाणूंचे संतुलन राखते. त्याचबरोबर सूज कमी करण्यास मदत करून त्वचेच्या आरोग्यासाठीही फायदेशीर ठरते.
टिप : हा लेख केवळ सामान्य माहितीच्या उद्देशाने आहे. हा वैद्यकीय सल्ला, निदान किंवा उपचारांचा पर्याय नाही. अधिक तपशीलांसाठी नेहमी आपल्या डॉक्टरांचा सल्ला घ्या. लेखातील माहितीची अचूकता, विश्वासार्हता किंवा परिणामकारकतेची जबाबदारी Top Viral Khabar घेत नाही.
About the Author
