मित्रांनो, आता पावसाळ्याचा सीजन जोरात सुरु झाला आहे. या काळात हवामानात ओलावा जास्त असल्याने आपल्याला केसांशी संबंधित अनेक समस्या उद्भवतात. पावसाळ्यात पाऊस कधी कमी, कधी जास्त पडतो, पण कोंडा (dandruff) मात्र हमखास वाढतो, बरोबर ना? त्यामुळे ह्या कोंड्याचा त्रास तुमच्यापासून दूर ठेवण्यासाठी आज आपण एक सोप्पा आणि प्रभावी उपाय पाहणार आहोत.
आपण नेहमी केस धुण्याआधी तेल लावतो आणि छान चंपी करून घेतो. पण आज मी सांगणार असलेला हा उपाय थोडा वेगळा आहे. यासाठी तुमच्या नेहमीच्या तेलात एक खास गुप्त घटक (secret ingredient) मिसळायचा आहे. कोणता आहे हा घटक आणि तो कसा वापरायचा हे जाणून घेऊया.
कोंडा दूर करणारे हे स्पेशल तेल कसे तयार करायचे
सर्वप्रथम एका बाउल किंवा वाटीत १ चमचा ऑलिव्ह ऑईल (Olive Oil) घ्या. हे तेल थोडंसं कोमट करून घ्या. नंतर त्यात अर्धा चमचा लिंबाचा रस मिसळा. शेवटी कढीपत्त्याची काही पाने त्यात टाका. हे मिश्रण छानपैकी मिक्स करून घ्या.
ऑलिव्ह ऑईल, लिंबू आणि कढीपत्ता यांचं मिश्रण तुमच्या केसांसाठी खूपच फायदेशीर आहे. हे केसांना पोषण देतं, कोंडा दूर करतं आणि केस मऊ, सुंदर बनवतो.
हे तेल कसं लावायचं- तयार केलेलं मिश्रण पूर्ण स्कॅल्पवर (डोक्याच्या त्वचेवर) व्यवस्थित लावा. कोणताही भाग सोडायचा नाही, अगदी केसांच्या टोकापर्यंत हे तेल पोहोचायला हवं. हलक्या हाताने ५-७ मिनिटे मसाज करा.
मसाज झाल्यानंतर हे तेल १ तास डोक्यावर तसंच राहू द्या. त्यानंतर केस माईल्ड शाम्पू ने धुवा आणि शेवटी कंडिशनर वापरा. वापरण्याची वारंवारिता, हा उपाय तुम्ही आठवड्यातून एकदा करू शकता.
तुम्हाला आधीच कोंड्याची समस्या असेल तर हा उपाय कोंडा बरा होण्यास मदत करेल. आणि ज्यांना पावसाळ्यात कोंडा होण्याची शक्यता असते त्यांच्यासाठी हा उपाय कोंडा होऊ नये यासाठीही उत्तम आहे.
टीप: ऑलिव्ह ऑईल उपलब्ध नसेल तर तुम्ही घरातील खोबरेल तेल (Coconut Oil) वापरू शकता.
हा उपाय करून नक्की पाहा आणि तुम्हाला मिळालेलं रिझल्ट कॉमेंटमध्ये आम्हाला नक्की कळवा. तसंच, हा लेख आवडला असेल तर तुमच्या मित्र-मैत्रिणींशी शेअर करा, जेणेकरून त्यांनाही या समस्येतून आराम मिळू शकेल.
धन्यवाद!
About the Author
